Nəsimi bələdiyyəsində Gender bərabərliyi komissiyası yaradıldı.

    Bakı  şəhəri  Nəsimi bələdiyyəsinin 19 saylı, 01.10.2020-ci il tarixli  protokolunun qərar hissəsindən çıxarışa  əsasən Gender bərabərliyi komissiyası yaradıldı.

 Gender-müəyyən cəmiyyətdə kişi və qadına xas olduğu hesab edilən sosial xüsusiyyətlər deməkdir. İnsan hüquqları ilə əlaqəli  olan gender  bərabərliyi  cəmiyyətin bütün sahələrində, eləcə də şəxsi həyatda kişi və  qadına  bərabər imkanların ve  iştirak  hüququnun  verilməsidir.  Bu o demək deyil ki, her  iki cins eynidir,  bu,  daha çox " hər ikisi eyni hüquqa və ləyaqətə malikdir" deməkdir.

 "Gender (kişi və qadınların) bərabərliyinin təminatları haqqında 10.10.2006-ci il tarixindən Azərbaycan Respublikasının Qanunu qüvvədədir. Bu gün qadınlarımızın cəmiyyətin bütün sahələrində - iqtisadi-siyasi, elmi-mədəni və ictimai həyatda kişilərlə bərabər hüquqa malik olmasi dövlətin əsas prioritet istiqamətinə çevrilib.