Nəsimi rayonu Nəsimi
bələdiyyəsi tərəfindən
2022-ci ildə görülmüş işlər haqqında,
o cümlədən maliyyə vəsaitlərinin və bələdiyyə
mülkiyyətinin istifadəsi haqqında
HESABAT
Hesabat dövrünün əvvəlində bələdiyyə
iş planı təsdiq etmişdir, hər ay ümumi
iclaslar keçirilmiş, iclaslarda baxılmış məsələlərlə bağlı qərarlar qəbul
edilmiş və icrası təmin edilmişdir. Müzakirə edilmiş məsələlər sırasında sosial, maliyyə məsələləri,
təmir-tikinti və abadlıq işləri, vətəndaşların müraciətləri və s. olmuşdur.
Nəsimi rayonu Nəsimi bələdiyyəsi
tərəfindən 41 ümumi iclas
keçirilərək 556 qərar qəbul
edilmişdir. “Bələdiyyələrin fəaliyyətinə
inzibati nəzarət haqqında” Qanunun 6.0 və 6.8-ci maddələrinə müvafiq olaraq
protokollar Ədliyyə Nazirliyi Bələdiyyələrlə İş Mərkəzinə göndərilmişdir.
Yerli Özünüidarəetmədə başlıca məqsəd əhalinin həyat səviyyəsinin
yaxşılaşdırılmasına istiqamətləndirilib. Bununla əlaqədar bələdiyyələr də ölkədə
həyata keçirilən sistemli iqtisadi-sosial inkişafa öz töhfələrini verməyə nail
olub. Əlbəttə ki, ölkədə aparılan islahatlar və artan iqtisadi göstəricilər
yerli özünüidarəetmə orqanlarında da öz təsirini göstərməkdədir.
2022-ci il ölkəmizin və xalqımızın həyatında müxtəlif hadisələrlə
yadda qaldı.
Bu ildə xalqımız və dövlətimiz
üçün qürurverici hadisələrdə çoxdur.
2022-ci ili Şuşa ili elan edilmişdir.
Bundan əlavə işğaldan azad olunmuş ərazilərdə abad və quruculuq işləri
davam etdirilir.
Bələdiyyənin fəaliyyətində
büdcənin formalaşmasına və icrasına xüsusi diqqət yetirilib. Real gəlir
mənbələri müəyyənləşib, onlara uyğun xərclər nəzərdə tutulmuşdur.
Bələdiyyənin büdcəsinə
daxilolmalar AR Nazirlər Kabinetinin, Vergi Məcəlləsinə və Bələdiyyənin qəbul
etdiyi müvafiq qərarlarına əsasən hesablanır.
Əhalidən rüsümların və vergilərin
yığılması zamanı vergi ödəyiciləri arasında mövcüd qanunlar barədə məlumatlar
verilir. Yığılan rüsümlar və vergilər haqqında məlumat hər gün təhlil edilir.
Vergilərin ödənilməsindən
yayınanlara qarşı xəbərdarlıq etməklə tədbirlər görülmüşdür. Qanunvericiliyə
uyğun İcra şöbələrinə 1123 - dən artıq şəxs barədə
müraciət olunmuşdur. Nəticədə Bələdiyyə büdcəsinə vergilərin ödənilməsi təmin
edilmişdir.
Ödənilmiş vergilər və rüsumlar bələdiyyə büdcəsinə mədaxil olaraq,
aidiyyatı təşkilatlara verilən maliyyə hesabatlarında öz əksini tapmışdır.
Bələdiyyənin vergi bazası genişdir. Hazırda inzibati ərazisində 35801
vergi obyektləri mövcuddur.
Vergi ödəyiciləridən hesabat dövründə 7282 ödəyici
vergiyə cəlb olunmuşdur
2022-ci il ərzində
bələdiyyə büdcəsinə 1032542.25 manat gəlir daxil olmuş, xərclər 1025229.49
manat təşkil etmişdir.
Büdcə gəlirlərinin əsas mənbəyi olan- torpaq vergisindən 3647,17
manat əmlak vergisindən- 699970,23
manat, torpaq icarəsindən 780,32
manat küçə,divar reklamının yerləşdirilməsinə
görə 1092,66
manat mehmanxanalardan 216942,41 manat, avtodayanacaqlardan rüsum- 49580,00 manat,digər gəlirlərdən 529,46
dotasiyadan 60000,00 manat daxil olmuşdur.
Bələdiyyənin büdcəsinə daxil olmalar AR Nazirlər Kabinentinin. Vergi
Məcəlləsinə və Bələdiyyənin qəbul etdiyi müvafiq qərarlarına əsasən hesablanır.
Bələdiyyə
büdcəsinə daxil olmuş vəsaitlər aşağıdakı istiqamətlərdə xərclənmişdir.
Daimi
əsaslarla bələdiyyədə çalışan bələdiyyə üzvlərinin və qulluqcularının əmək haqqına 458778,90
manat, DSMF 83992,88 manat, bələdiyyənin saxlanmasına təsərrüfat mallarinin
və inventarların alınması üçün 31413,60 manat, xidmət haqqının
odəmilməsi üçün 33124,13 manat , kommunal
və komunikasiya üçün 4996,28 manat, Nəsimi bələdiyyəsinin
binasında işçilərin iş şəraitinin yaxşılaşdırılması üçün 1334,00 manat, rabitə və sair xərclərə görə 63992,01 manat , sosial yardımlar üzrə
ödənişlər 57610,54 manat, mədəni - kütləvi bayram tədbirlərinin təşkili
üçün 6142,20
manat, abadlıq, quruculuq təmir işlərinə
283844,95
manat xərclənmişdir.
Ərazidə hesabat dövründə abadlıq, quruculuq işlərinin
aparılmasına 283844,95 manatdan, 235128,85 manati inzibati ərazimizdə A.Bakıxanov,
S.Vurğun, Mərdanov Qardaşları, Nəcəf bəy Vəzirov küçələrinin kəsişməsində yerləşən
məhəllədə abadlıq , bərpa və təmir işlərinin aparılması üçün,6235,00 manat Cavadxan küçəsində
yerləşən “İzmit Dostluq Parkı”na süni
qazon vurulmasına,100,00 manat parkın suvarılmasına,450,00 manat isə işıq plafonlarının dəyişdirilməsi üçün, 3127,00 Koroğlu parkına uşaq əyləncə
avadanlıqlarının alınması üçün, 21312,10
manat N.Şahbazov küşəsi 36 ünvanınıda
asfalt örtüyünün salınması üçün,17492,00
manat S.Vurğun , Ak M.Mirqasımov,İ.Qasımov və M.Topçubaşov küçələrinin kəsişməsində yerləşən məhəllədə abadlıq
, bərpa və təmir işlərinin aparılması üçün xərclənmişdir.
Nəsimi Bələdiyyəsinin təşkilatçılığı
ilə “ 8 Mart Beynəlxalq Qadınlar Bayramı”nda qadın bələdiyyə üzvləri, bələdiyyə
qadın qulluqçuları,bayram münasibətilə təbrik olunublar.”Novruz Bayramı”münasibəti
ilə, rayon ərazisində yaşayan 300 sosial yardıma ehtiyacı olan ailələyə 16336,00 manat , “Ramazan” bayraminda 100 ailəyə 3928,00 manat, ”Qurban Bayramı” da 250
ailəyə 5500,00 manat bayram sovqatları
təqdim edilmişdir.
“1 İyun Uşaqların Beynəlxalq Müdafiə Günü”ndə rayon ərazisində
şəhid və qazilərin uşaqları ilə birlikdə
tədbir keçirilmiş onlara şirniyyat süfrəsi açılmış və hədiyyələr
paylanmışdir.Bu məqsədlə 3571,00
manat ,”1 saylı Körpələr Evi” uşaq baxçasına sobaların alınması üçün 1628,40 manat vəsait ayrılmışdır.
3 dekabr “Əlilliyi Olan İnsanların Beynəlxalq Günü” ilə əlaqədar 61 nəfər
xüsusi qayğıya ehtiyacı olan uşaqlara 3362,14
manat, “Dünya Azərbaycanlılarının Həmrəylik və Yeni İl “bayramı münasibəti ilə 250
ailəyə 11655,00 manat bayram sovqatları
təqdim edilmişdir. Bələdiyyə üzvlərinə mükafat verilmişdir.
Bundan əlavə
AZ QARABAĞ MÜHARİBƏSİ Ə.V.Ş.A İ.B 4500,00 manat maddi yardım göstərilmişdir.
Bələdiyyəyə rayon ərazisində
yaşayan xəstə,aztəminatlı ailələr tez-tez yardım üçün müraciət edir.Buna görə 66
nəfərə 7130,00 manat məbləğində yardım edilmişdir.
Bələdiyyənin inzibati ərazisində ekoloji durumu, o
cümlədən yaşıllıqlarının vəziyyəti daimi diqqət mərkəzindədir.
Məlum olduğu kimi –yaşıllıqlar vaxt keçdiqcə quruyur, bəziləri qəzalı
vəziyyətə düşür və sakinlərin yaşadıqları yerlərdə təhlükə mənbəyi yaradır.
Bunların qarşısının alınması istiqamətində Nazirlər Kabinetinin 30.08.2016-cı
il 321 № -li Qərarına əsasən tədbirlər görülür.
Hesabat dövründə sözügedən problemlərlə
bağlı vətəndaşlardan daxil olmuş 614 müraciət,
o cümlədən Nəsimi rayon İcra Hakimiyyətindən 108 müraciətə əsasən müvafiq
tədbirlərin görülməsi üçün Azərbaycan Respublikası, Ekologiya və Təbii sərvətlər
Nazirliyinin Dövlət Ekspertiza İdarəsinə müraciətlər edilmiş, alınmış rəylərə əsasən
Bələdiyyə iclaslarında qərarlar qəbul edilmiş və Bakı Şəhəri İcra Hakimiyyəti
Yaşıllaşdırma Təsərrüfatı Birliyinə tədbir görmək üçün göndərilmişdir.
Nəsimi rayon Nəsimi bələdiyyəsində vətəndaşların müraciətləri və qəbulu
da daim diqqət mərkəzində saxlanılır.
Təhlil göstərir ki, il ərzində vətəndaşlardan daxil olmuş 614 müraciət qeyd edilən məsələlərə aid
olub:
Arayışların verilməsi (vergi borcların
olub-olmaması) 46
Torpaq sahələrinin olub olmaması barədə
136
Maddi yardım 68
Dəfnlə bağlı Dövlət Sosial Müdafiə Fonduna arayışlar 220
Digər məsələlər üzrə yəni abadlıq, yaşıllıq v.s 125
Sahibkarlıq fəaliyyəti barəsində
19
Müraciətlərin
517-i müsbət həll olunub
Hesabat dövründə ayrı-ayrı təşkilatlardan
daxil olmuş 324 məktub, müraciət, sərəncam və digər sənədlər əksər hallarda
qanunvericilikdə nəzərdə tutulmuş müddətdə baxılmış və cavablandırılmışdır.
Bələdiyyə vətəndaşların və öz hüquqi maraqlarının müdafiəsi istiqamətində
bir sıra işlər görmüşdür. Beləki, hüquqi həllini tələb edən məsələlərlə bağlı
keçirilmiş 672 məhkəmə işi hələdə davam edir.
Qeyd edirik ki, əmlak vergisi ödəməyən fiziki şəxslər barəsində məcburi
icra tədbirlərinin görülməsinə dair tərəfimizdən 1055 ədəd qərar qəbul olunmuş, Nəsimi rayon İcra şöbəsinə
göndərilmişdir. Onlardan 383 ədəd qərar xitam olunmuş, 672 ədəd qərar isə icra olunmaqdadır.
Vətəndaşların müraciətləri ilə bağlı Bələdiyyədə onlara hüquqi yardım
göstərilməsi həyata keçirilmişdir.
Bələdiyyədə “qaynar xətt” də (telefon 440-50-71, 408-10-01) fəaliyyət
göstərir. Gün ərzində telefon vasitəsilə daxil olan şikayət və müraciətlər qeydə
alınır, rəhbərliyə çatdırılır və tədbirlər görülür. Bayram və qeyri-iş günləri
“Qaynar-xətt”də növbətçilik qrafiki üzrə məsul işçilər müraciətləri qəbul edirlər.
Bələdiyyədə hesabat dövründə şəxsən sədr tərəfindən 25 nəfər, ümumilikdə isə 45 nəfər
vətəndaş qəbul edilmişdir.
Bələdiyyə seçkili orqan olaraq çalışır ki, seçicilərlə ünsiyyətini
daha da genişləndirsin. Daimi komissiyalar, “İctimai-Humanitar Məsələləri
sektoru” ilə birlikdə əhaliyə, seçicilərə bələdiyyənin fəaliyyəti haqqında ətraflı
məlumatların çatdırılmasında aktiv mövqe tutur və ötən illərlə müqayisədə bu
sahədə irəliləyiş var.
Nəsimi bələdiyyəsi bir çox tədbirlərdə
iştirak etmişdir. Belə ki, 20 Yanvar -ümumxalq hüzn günü münasibətiylə Şəhidlər
Xiyabanı ziyarət olunmuşdur. 26 Fevral Xocalı faciəsinin 30-cu il dönümü barədə,
9 May Qələbə Günü, 10 May Ulu Öndər Heydər Əliyevin anadan olmasının 99-cu il dönümü
, 15 İyun Qurtuluş Günü, 26 İyun “Azərbaycan
Respublikası Silahlı Qüvvələri günü“ münasibəti ilə bir sıra silsilə tədbirlər
həyata keçirilmişdir.
31 Mart Soyqırımı Günü ilə əlaqədar, Azərbaycan Tibb Universitetində
keçirilən tədbirdə iştirak edilmişdir..
27 Sentyabr “Anım Günü”, ilə bağlı olaraq, bələdiyyə qulluqçuları ilə
birlikdə rayon ərazisində qeydiyyatda
olan şəhidlərimizin məzarları ziyarət edilmiş, ailələri ilə mütəmadi görüşlər
keçirilmişdir.
8 Noyabr “Zəfər Günü”, 9 Noyabr “Bayraq Günü”
ilə bağlı olaraq, bələdiyyə qulluqçuları rayon ərazisində keçirilən bir
sıra silsilə tədbirlərdə iştirak edilmişdir.
Nəsimi rayonu Nəsimi bələdiyyəsi inzibati ərazimizdə yaşayan vətəndaşlara və
media orqanlarına illik hesabatı elan, bülleten, internet saytı və.s
vaistələrlə çatdırır.
.