2022 ci ildən etibarən Ailə,Qadın və Uşaq Problemleri Üzrə Dövlət Komitəsi və Nəsimi rayon İcra  Hakimiyyəti  Nəsimi rayonunda "Məişət zorakılığına qarşı mübarizə "məqsədi ilə layihə həyata keçirir.Layihə çərçivəsində Nəsimi Bələdiyyəsi "Gənclər, gender və layihələrlə iş şöbəsi" bu məsələ ilə bağlı tədbirlər planı hazırlayıb və Nəsimi Bələdiyyəsi tərəfindən təsdiq  olunub. Həmin tədbirlərdən biri olaraq bugün 46 nömrəli tam orta məktəbdə "Məişət və Gender Əsaslı Zorakılıqla Mübarizə" mövzusunda maarifləndirici görüş keçirilib.Görüşdə Bələdiyyə qulluqçuları və komissiyanın üzvləri ilə yanaşı , Nəsimi rayon İcra Hakimiyyətinin nümayəndəsi də qonaq qismində iştirak etmişdir.

 Görüşdə iştirak edənlər  məişət zorakılığının Azərbaycanda geniş yayılmış gender problemi olduğunu və demək olar ki, məişət zorakılığının əksər ailələrdə özünü müəyyən formalarda biruzə verdiyini, bəzən fiziki, cinsi şiddət, bəzən də psixoloji təzyiq və təcrid edilmə kimi formalarda müşahidə olunduğu diqqətə çatdırılmışdır.

 Ailələrin məişət zorakılığına məruz qalmaması üçün ictimai səylərin artırılmasının vacibliyindən danışıb, məişət zorakılığının yaranma səbəbləri və onların həlli yolları barədə məlumat verilmişdir. 

 Görüşün  sonunda şagirdlərə sorğu anketləri paylanılmış və şiddətə məruz qaldıqları zaman anonimlik qorunmaq şərtilə aşağıdakı əlaqə nömrələrinə ,elektron poçt adresinə müraciət etmələri tövsiyyə olunmuşdur.

+994 12 440-50-71

+994 77 282-00-09

info@nasimibaladiyyasi.az

office@nasimibaladiyyasi.az